"Mən razı qaldım” -

"Mən razı qaldım” - FOTOLAR

Azərbaycan Premyer Liqasında 2020/21 mövsümünə yekun vurulub.

“Qəbələ” mövsümdəki son matçında “Keşlə” ilə görüşüb.

Baş məşqçi Elmar Baxşıyev ötən turla müqayisədə start heyətində iki dəyişiklik edib. Murad Musayevlə Merab Qiqauri “ASK Arena”dakı matça ilk dəqiqələrdən çıxıb. Onlar Yurgen Qoxa ilə Rövlan Muradovu əvəzləyib.

Qarşılıqlı hücumlarla keçən görüşün taleyi ilk 45 dəqiqədə həll olunub. Belə ki, matçdakı hər üç top fasiləyədək vurulub. Öncə paytaxt təmsilçisi 2 dəqiqəyə iki qola imza atıb. Şəhriyar Əliyevlə Silvio Rodriges bakılıları hesabda önə çıxarıb.

Hissənin ortalarında fəallığı daha da artıran “Qəbələ” bu qollardan birinin əvəzini çıxıb. Ceyms Adeniyi meydan sahiblərinin qapısına yol tapıb. Bu qoldan sonra hesabda tarazlıq yaratmağa çalışan “qırmızı-qaralar” rəqib qapısına yol tapa bilməyib.

Görüşün ikinci yarısında da oyunun ssenarisi dəyişməyib. Qarşılıqlı hücumlar təşkil edən rəqiblər hesabı dəyişməyə çalışsa da, istəyinə çatmayıb. Bir neçə təhlükəli hücum quran “qırmızı-qaralar” səfərdən xalla dönmək üçün lazım olan qolu vura bilməyib.

Meydan sahibləri isə qarşılaşmanın sonlarında daha bir dəfə fərqlənərək fərqi iki topa çatdırıb. Beləliklə, mövsümün son oyununda 1:3 hesabı ilə uduzan “Qəbələ” paytaxtdan xalsız dönüb. “Qırmzı-qaralar” mövsümü 26 xalla 7-ci pillədə başa vurub.

“Qəbələ”nin baş məşqçisi Elmar Baxşıyev: “Mövsümün son oyunu idi. Komandanı bu durumda - iddiasını itirəndən sonra oyuna motivasiya etmək çətindir.

Ümumilikdə, futbolçular verilən tapşırığı meydanda göstərməyə çalışdı. “Vurmayana vurarlar” prinsipi özünü göstərdi. Çoxsaylı hücumlar qursaq da, tamamlamaqda çətinlik çəkdik.

Ceyms Adeniyinin zədələnərək meydandan çıxması işimizi bir az çətinləşdirdi. Komandanın mövsümdəki oyundan və yanaşmasından razı qaldım”.

“Keşlə” – “Qəbələ” 3:1

“ASK Arena”, tamaşaçısız

Baş hakim: Rəvan Həmzəzadə

Baş hakimin köməkçiləri: Cəmil Quliyev, Rahil Ramazanov

Dördüncü hakim: Fərid Hacıyev

Hakim-inspektor: Babək Quliyev

AFFA nümayəndəsi: Seymur Səlimli

Sarı vərəqələr: Vüsal İsgəndərli, 28 (qeyri-idman hərəkəti); Sadio Tonkara, 35 (qeyri-idman hərəkəti); Şəhriyar Əliyev, 40 (qeyri-idman hərəkəti); İlkin Qırtımov, 90+6 (oyunun bərpasının ləngidilməsi) // Stefan Vukçeviç, 30 (qeyri-idman hərəkəti); Murad Musayev, 69 (qeyri-idman hərəkəti)

Rəsmi şəxslərə göstərilən sarı vərəqələr: Kamil Quliyev, 77 (hakimin qərarına etiraz) // Vüqar Məmmədov, 90+4 (hakimin qərarına etiraz)

Qırmızı vərəqə: Sezar Meza Kolli, 75 (ciddi qayda pozuntusu)

Qollar: Şəhriyar Əliyev, 15; Silvio Rodriqes, 16; Vüsal İsgəndərli, 90+1 // Ceyms Adeniyi, 26

Artırılan vaxt: I hissədə - 3 dəq; II hissədə - 7 dəq.

“Keşlə”

1. Stanislav Namaşko

17. Vüsal İsgəndərli

2. İlkin Qırtımov (k)

4. Şəhriyar Əliyev

23. Nicat Qurbanov

(10. Sezar Meza Kolli, 62)

21. Miyusko Boyoviç