“Qarabağ”ın qapıçısı Mateuş Koxalski daha bir klubun maraq dairəsinə düşüb.
Sportinfo.az Polşa mətbuatına istinadən xəbər verir ki, 25 yaşlı qolkiperin ölkəsinə qayıtmaq variantı yaranıb.
“Qarabağ”dakı uğurlu çıxışı ilə aparıcı futbol ölkələrində klubların maraq dairəsinə düşən Koxalski uğrunda “Vidzev” də mübarizəyə qoşulub.
Düzdür, Lodz təmsilçisinin şansı elə yüksək qiymətləndirilmir. Çünki Çempionlar Liqasındakı performansdan sonra Koxalskinin tezliklə həm Polşa millisinə çağırılması, həm də daha böyük klublardan birinə keçməsi gözlənilir.
Ancaq “Vidzev”in sahibi Robert Dobyetski Polşada səs-küylü və sürpriz transferlər etməklə məşhurdur. Bu da lodzluların ümidini artıran məqamdır.
Koxalskinin “Qarabağ”la müqavilə müddəti 2027-ci ilin yayına qədərdir.
