“Bayramlar zamanı vətənim Kolumbiyada idim. Ailəm və doğmalarımla vaxt keçirməyə çalışdım”.
Bu sözləri Sportinfo.az-a açıqlamasında “Qarabağ”ın müdafiəçisi Kevin Median deyib.
Kolumbiyalı legioner istirahət dönəmindən maksimum yararlanıb, yorğunluğu üzərindən atmağa nail olub.
Dinləyək:
“İndi çox gümraham, özümü yenilənmiş kimi hiss edirəm. Yeni ildə, Milad bayramında sevdiklərimin əhatəsində oldum.
Mənim üçün bundan gözəl istirahət ola bilməzdi. Çox xoşbəxtəm.
Əhval-ruhiyyəm yüksəkdir və böyük həvəslə qarşıdakı oyunlara hazırlaşıram”.
Maraq üçün bildirək ki, “Qarabağ” 2026-cı ildə ilk rəsmi görüşünü “Frankfurt”a qarşı keçirəcək.
Yanvarın 21-də baş tutacaq qarşılaşma Tofiq Bəhramov adına Respublika stadionunda gerçəkləşəcək.
HƏBİB
