"Futboldan uzaq qalmaq mümkün deyil. Hara getsəm, yenə futbolu müzakirə edirlər.
Əsasən də son vaxtlardakı məğlubiyyətlərdən danışırlar".
Sportinfo.az xəbər verir ki, bu sözləri "Qarabağ"ın baş məşqçisi Qurban Qurbanov bu gün keçirdiyi mətbuat konfransında bildirib.
O deyib: "Məni başa düşən 3-4 nəfərdir. Qalanları bildirir ki, filankəsi niyə dəyişmədin, bu niyə belə oldu.
Yarızarafat da olsa, bunu deyirlər (gülür). Əfsuslar olsun ki, bunlardan qaça bilmədim.
Başlayanda deyirlər, düzünü sən bilirsən, sonra da deyirlər ki, bu niyə belə oldu? Ən yaxınlarım var ki, 3-4 nəfər, bu barədə heç nə demirlər.
Daim yanımda olurlar, motivasiya verirlər. İnanın ki, əgər futbolçularım sağlam qayıdırlarsa, hər məşqdə sağlam, istəkli olurlarsa, mənim üçün istirahətdir.
İstirahət etsəm də, görsəm ki, məşqim, futbolçularım yaxşı deyil, istirahətimin üstündən xətt çəkilir".
