“Qarabağ”ın qış təlim-məşq toplanışı çərçivəsində keçirəcəyi yoxlama görüşlərində qarşılaşacağı rəqibləri müəyyənləşib.
Sportinfo.az xəbər verir ki, “Qarabağ” hazırlıq prosesinin ikinci mərhələsi yanvarın 10-dan 17-dək Türkiyənin Antalya şəhərinin Belek bölgəsində yerləşən “Gloria Sports Arena”da keçiriləcək.
Komandamız bu müddət ərzində təlim-məşq toplanışını davam etdirəcək.
Toplanış çərçivəsində “Qarabağ” yanvarın 12-də Özbəkistandan “Neftçi” (Fərqanə) ilə saat 17:00-da (Bakı vaxtı ilə 18:00-da), yanvarın 16-da isə Polşadan “Zaqlebie Lubin” ilə saat 18:00-da (Bakı vaxtı ilə 19:00-da) yoxlama görüşləri keçirəcək.
“Qarabağ” yeni ildə ilk rəsmi oyununa yanvarın 21-də çıxacaq.
Komandamız Çempionlar Liqasının Liqa mərhələsi çərçivəsində Almaniyadan “Ayntraxt” ilə qarşılaşacaq.
.jpg)
