"Qarabağ"ın yarımmüdafiəçisi Pedro Bikalyonun "Botafoqo"ya transferi alınmayıb.
Sportinfo.az ESPN nəşrinə istinadən xəbər verir ki, Braziliya klubu Ağdam təmsilçisinə iki rəsmi təklif göndərsə də, danışıqlar uğursuz alınıb.
Xəbərdə qeyd olunub ki, "Botafoqo" artıq Bikalyonu transfer gündəmindən çıxarıb.
Həmçinin, "Botafoqo"nun "Qarabağ"ın keçmiş yarımmüdafiəçisi, hazırda Macarıstanda - "Ferentsvaroş"da oynayan Julio Romaonun da transferindən vaz keçdiyi bildirilib.
Onunla da danışıqların müsbət nətiəcələnmədiyi vurğulanıb.
Pedro Bikalyo “Kruzeyro” və “Palmeyras”ın akademiyalarında yetişib və peşəkar debütünü də “Palmeyras”da edib.
Daha sonra Portuqaliyada “Santa Klara” və “Alverka” klublarında çıxış edən yarımmüdafiəçi bu yay “Qarabağ”a keçib.
.png)
.jpg)
.png)
