"Qarabağ"ın legioneri Mateus Silva Braziliya klubunun maraq dairəsindədir.
Sportinfo.az xəbər verir ki, 28 yaşlı müdafiəçiyə "Vitoriya"dan təklif var.
Məlumatı Braziliyanın "Arena Rubre-Neqro" kanalı yayıb. Xəbərdə A seriyası təmsilçisinin "Qarabağ"la ilkin danışıqlarının olması, lakin hələlik razılıq əldə edilmədiyi bildirilib.
Qeyd olunub ki, braziliyalı futbolçunun "Qarabağ"la 2027-ci ilin yayına qədər müqaviləsinin olması transfer işini çətinləşdirir.
Mateus Silva 2023-cü ilin yayında Bolqarıstanın "Lokomotiv" (Plovdiv) klubundan "Qarabağ"a transfer edilib. O, bu mövsüm Ağdam klubunda 23 oyun keçirib və 1 qol vurub.
Braziliyanın daha bir klubu “Botafoqo” "Qarabağ"ın futbolçusu Pedro Bikalyonu heyətinə cəlb etməyə çalışır.
