“Çətin oyunun alınacağını bilirik, amma biz hazır olacağıq".
Sportinfo.az xəbər verir ki, bu sözləri "Napoli"nin futbolçusu Alessandro Buondcorno Çempionlar Liqasının Liqa mərhələsinin 5-ci turunda sabah “Qarabağ”a qarşı keçirəcəkləri oyun üçün təşkil edilən mətbuat konfransında deyib.
İtaliyalı müdafiəçi qeyd edib ki, qalib gəlsələr, bunu dünya futbolunun əfsanəsi, "Napoli"nin keçmiş futbolçusu Dieqo Maradonaya həsr edəcəklər:
"Noyabrın 25-də əfsanəvi Dieqo Armando Maradonanın vəfatının 5 illiyi tamamlanacaq. Ona görə də bu matç bizim üçün daha böyük önəm kəsb edəcək.
Qələbə qazanacağımıza ümid edirik. Belə olsa, qalibiyyəti ona həsr edəcəyik. Belə stadionda oynamaq bütün rəqiblər üçün çətindir".
Buondcorno "Qarabağ" haqda müsbət sözlər söyləyib:
"Rəqibimiz Çempionlar Liqasında bir neçə vacib oyun keçirib. Biz qarşılaşmaya mümkün qədər yaxşı yanaşacağıq.
Çox güclü rəqibimiz var, ehtiyatlı olmalıyıq. Çoxlu fərdi mübarizə olacaq.
Həm biz, həm də onlar təzyiq göstərəcək. Qələbə özümüzdən asılı olacaq”.
Sabah gecə Dieqo Armando Maradona stadionunda keçiriləcək “Napoli” – “Qarabağ” matçı Bakı vaxtı ilə saat 00:00-da başlanacaq.
