“Flamenqo”da çıxış edən “Qarabağ”ın sabiq hücumçusu Juninyo instaqram hesabında Azərbaycan klubunun heyətində vurduğu qolu paylaşıb.
Sportinfo.az xəbər verir ki, paylaşımda forvardın Avropa Liqasının 1/8 final mərhələsində Bakıda keçirilən matçda “Bayer”in (Leverkuzen) qapısına vurduğu qol yer alıb.
Juninyo bu ilin yayında 5 milyon avro qarşılığında Braziliyanın “Flamenqo” klubuna transfer olunub. Lakin o, bu komandanın heyətində demək olar ki, oynamaq şansı qazanmır.
Məhz baş məşqçi Felipe Luisin ona şans verməməsi futbolçunun Ağdam klubuna qayıdacağı ilə bağlı xəbərləri gücləndirib.
