İsrailin Azərbaycandakı səfirinin müavini Aviv Zel UEFA Çempionlar Liqasının əsas mərhələsinin IV turunda "Çelsi"yə qarşı matçda "Qarabağ"a azarkeşlik etdiyini bildirib.
Sportinfo.az xəbər verir ki,diplomat bu barədə "X" sosial şəbəkəsindəki hesabında paylaşım edib.
"Bu gecə Bakıda necə bir matç oldu! Möhtəşəm azarkeşlərlə birlikdə "Qarabağ" futbol klubuna azarkeşlik etdiyim üçün ("Çelsi"yə qarşı) qürur duyuram - bu, həqiqi sevinc və həqiqi fəxrdir.
Azərbaycanlı dostlarımızı meydanda və ondan kənarda həmişə dəstəkləməkdən məmnunuq", - o yazıb.
"Qarabağ" - "Çelsi" oyunu 2:2 hesablı bərabərliklə yekunlaşıb.
