Avropa Liqasının 1/8 final mərhələsinin cavab oyununda "Bayer"ə 2:3 hesabı ilə uduzaraq mübarizəni dayandıran "Qarabağ" Vətənə qayıdıb.
Sportinfo.az xəbər verir ki, Azərbaycan çempionunu Heydər Əliyev Beynəlxalq Hava Limanında jurnalistlər, azarkeşlər və futbol ictimaiyyətinin nümayəndələri qarşılayıblar.
Qurban Qurbanovun komandası martın 7-də Bakıda keçirilən ilk oyunda rəqibi ilə heç-heçə (2:2) etmişdi.
Leverkuzendə baş tutan qarşılaşmada 3:2 hesabı ilə qalib gələn "Bayer 04" Avropa Liqasının 1/4 finalına vəsiqə qazanıb.
.png)
