Sportinfo.az xəbər verir ki, Avropa Liqasının pley-off mərhələsinin “Braqa” ilə oyunu zamanı “Qarabağ” uzun yol qət etməli olacaq.
Ağdam klubunun direktoru Emrah Çelikel qol.az-a deyib ki, komandanı Bakıdan Braqaya 8 saatlıq uçuş gözləyir
. İlkin proqrama görə, Ağdam təmsilçisi Portuqaliyaya oyundan 2 gün əvvəl - fevralın 13-də yola düşəcək. “Qarabağ” səfərə bu dəfə də çarter reysi ilə gedəcək.
“Pley-off-da zəif rəqib olmur. Burada hansısa bir münasib rəqib gözləmək yersizdir.
Bilirəm ki, Braqa şəhəri ilə Bakı arasında 8 saatlıq uçuş var. Çox uzaq məsafədir.
Amma biz ora getdiyimiz kimi, onlar da Bakıya gələcəklər. Biz hamımız bir yerdə ən yaxşısını etməyə çalışacağıq.
Burada rəqibin kim olmasının fərqi yoxdur” - deyə E.Çelikel bildirib.
“Qarabağ”la “Braqa” arasında ilk oyun fevralın 15-də Portuqaliyada, cavab matçı fevralın 22-də Bakıda keçiriləcək.
