Qadın futbolçulardan ibarət “Neftçi” komandasının UEFA Çempionlar Liqasının birinci təsnifat mərhələsindəki rəqibi “Fomget”in yeni baş məşqçisi müəyyənləşib.
Futbolinfo.az xəbər verir ki, Türkiyə klubu rəsmi saytı vasitəsilə Hasan Vuralın təyinatını açıqlayıb.
Ankara təmsilçisi komandanı Türkiyə çempionluğuna daşıyan Cumali Enginarla ötən həftə yollarını ayırmışdı.
Qeyd edək ki, “Fomget”lə “Neftçi” arasında I təsnifat mərhələsinin yarımfinal oyunu iyulun 30-da keçiriləcək. Bu cütün qalibi avqustun 3-də eyni arenada İsrailin “Kiryat” kollektivi ilə final matçına çıxacaq.
