“Neftçi”nin qadın futbolçulardan ibarət komandasının UEFA Çempionlar Liqasının birinci təsnifat mərhələsini hansı ölkədə keçirəcəyi dəqiqləşib.
Sportinfo.az Türkiyə mətbuatına istinadən xəbər verir ki, Azərbaycan çempionu məhz qardaş ölkədə çıxış edəcək.
“Neftçi” I raundun yarımfinal mərhələsində Türkiyə təmsilçisi “Fomget”lə matçı Ankarada keçirəcək. Ancaq matçın hansı stadionda reallaşacağı hələ bəlli deyil.
Bu cütün qalibinin finalda İsrail komandası “Kiryat”ya matçı da Ankarada təşkil olunacaq.
Birinci mərhələnin yarımfinal oyunu iyulun 30-da, final görüşü isə avqustun 3-də keçiriləcək.
