Qadınlardan ibarət Azərbaycan millisinin UEFA Millətlər Liqasının qrup mərhələsində Litva ilə keçirəcəyi son oyunun hakimləri müəyyənləşib.
Sportinfo.az UEFA-nın rəsmi saytına istinadən xəbər verir ki, qitə futbol qurumu yığmamızın son matçına İsraildən olan hakimlər briqadasını göndərib.
Bayıl stadionunda keçiriləcək qarşılaşmanı Sapir Qaya Berman idarə edəcək. Ona Mey Moalem və Nofar Çava Skorka yardım göstərəcək. 4-cü hakim funksiyasını Şada Dahamşi yerinə yetirəcək.
Mayın 30-da keçiriləcək görüş saat 18:00-da başlayacaq.
