"Yuventus" və İtaliya millisinin veteran futbolçusu Klaudio Markizio Argentina millisinin DÇ-2022-nin 1/8 final mərhələsində Avstraliya ilə matçdakı qələbəsini şərh edib.
Sportinfo.az xəbər verir ki, Markizio cənubi amerikalıların yalnız Messiyə arxalanmasının doğru olmadığını bildirib:
“Argentina millisi yalnız Messinin ümidinə qalır. Bəli, o, əla oyunçudur. Lakin hər zaman ona arxalanmamalısınız.
Qapıçı Emiliano Martinez argentinalıları bir neçə dəfə qoldan xilas etdi. Əgər o, olmasaydı, Avstraliya oyunu əlavə vaxta apara bilərdi. Digər futbolçular da özlərini göstərməlidir".