"Azərbaycanın ən böyük klubunda oynamaq çox xoş idi".
Sportinfo.az xəbər verir ki, bunu "Neftçi" ilə yollarını ayıran Andre Şinyaşiki şəxsi instaqran hesabında yazıb.
27 yaşlı braziliyalı hücumçu "ağ-qaralar"ın fanatlarına müraciət edib:
"Hörmətli "Neftçi" azarkeşləri, hər şey üçün təşəkkür edirəm. Azərbaycanın ən böyük klubunda oynamaq çox xoş idi.
Bu fürsət mənə verildiyi üçün minnətdar olacağam. Kluba və gözəl tərəfdarlara uğurlar arzulayıram".
2023-cü ilin avqustunda transfer olunmuş A.Şinyaşiki “Neftçi”nin heyətində 38 rəsmi oyun keçirib, 5 qol vurub.
