Oktyabrın əvvəlində «Neftçi»yə qayıdan Samir Abasov xidmətində maraqlı olmadığı futbolçuların siyahısını müəyyənləşdirməyə başlayıb.
Baş məşqçi dekabrın ikinci yarısınadək planını konkretləşdirəcək.
Klub idarəçiləri ilə bir araya gələn mütəxəssis əsasən legionerlər barədə danışıb. Təcrübəli çalışdırıcı son ilyarımda düşərgəyə gəlmiş əksər əcnəbi oyunçuların səviyyəsinin onu qane etmədiyini bildirib.
Abasov özündən əvvəl burada işləmiş həmkarlarının yanlış transfer siyasəti apardığını söyləyib.
O. həmçinin vurğulayıb ki, legionerlərlə ən azı 2 illik müqavilə imzalanıb, bu da qış fasiləsində onlarla yolları ayırmağı çətinləşdirir. Çünki kontrakta xitam verilərsə, təzminat ödəmək lazım gələcək.
SPORTİNFO.AZ
