Azərbaycan millisinin futbolçusu Ufuk Budak “Altınordu”da qala bilər.
Sportinfo.az xəbər verir ki, Türkiyə klubu müdafiəçiyə yeni müqavilə təklif edib.
İzmir təmsilçisi sözləşməsi mövsüm sonunda bitəcək olan 7 oyunçudan 5-ni saxlamaq niyyətindədir. Onların arasında Ufukun da adı var. Klub rəhbərliyinin gələn həftə futbolçularla görüşəcəyi bildirilir.
Ufuk Budak “Altınordu”ya ötən ilin yayında “Boluspor”dan keçib. 30 yaşlı müdafiəçi 2011-ci ildən Azərbaycan millisində çıxış edir.