Lixtenşteyn yığmasının baş məşqçisi Konrad Fünfstüx Millətlər Liqasının püşkünü dəyərləndirib.
Sportinfo.az xəbər verir ki, sözügedən komanda D Liqasının 2-ci qrupunda Azərbaycan və Litvanın rəqibidir.
Mütəxəssis isə fikirlərində Azərbaycan millisi ilə keçirəcəkləri oyunlara da toxunub:
“Litva və Azərbaycan C Liqasından düşən iki komandadır. Şübhəsiz ki, mümkün qədər tez C Liqasına qayıtmaq istəyəcəklər.
Ona görə də motivasiyalı rəqiblər gözləyirəm. Biz bu mübarizəni qəbul edirik və maraqlı qarşılaşmaları səbirsizliklə gözləyirik.”
Millimizlə Lixtenşteyn arasında oyunlar 1 oktyabr və 13 noyabr tarixlərində keçiriləcək.
