Azərbaycan yığması UEFA Millətlər Liqasının yeni mövsümdəki rəqibləri ilə əvvəllər bir neçə dəfə qarşılaşıb.

Sportinfo.az xəbər verir ki, millimiz Litva ilə 3, Lixtenşteynlə isə 5 dəfə üz-üzə gəlib.

Litva ilə matçların hamısı yoldaşlıq oyunu çərçivəsində keçirilib. Komandalar ilk dəfə UEFA bayrağı altında rəsmi görüşlərdə qarşılaşıb. Hər komandanın aktivində minimal hesablı bir qələbə var.

O ki qaldı Lixtenşteynə, millimiz bu komandanın tarixinə qızıl hərflərlə düşüb. Belə ki, Lixtenşteyn ilk qalibiyyətini 1998-ci ildə Azərbaycan millisi üzərində qazanıb.

Amma bir il sonra da Lixtenşteyn bizim tariximizə düşüb. İlk rəsmi böyükhesablı qələbəmiz məhz bu kollektiv üzərində olub.

Komandamız Bakıda rəqibin qapısından 4 cavabsız top keçirib. Sonrakı 3 görüşün birində heç-heçə edən yığmamız digər iki matçda meydanı qalib tərk edib.

Millimizin Litva və Lixtenşteynlə oyunları:

26.06.1998. Beynəlxalq turnir. Vilyandi

Litva – Azərbaycan – 1:2

Rasim Abuşov, 30; Vyaçeslav Lıçkin, 58

26.03.2008. Yoldaşlıq oyunu. Vilnüs

Litva – Azərbaycan – 1:0

25.03.2019. Yoldaşlıq oyunu. Bakı

Azərbaycan – Litva – 0:0

14.10.1998. AVRO-2000. Vaduts

Lixtenşteyn – Azərbaycan 2:1

Qurban Qurbanov, 59

05.06.1999. AVRO-2000. Bakı

Azərbaycan – Lixtenşteyn – 4:0

Qurban Qurbanov, 16; Vyaçeslav Lıçkin, 42; Zaur Tağızadə, 60; Mirbağır İsayev, 73

10.09.2008. DÇ-2010. Bakı

Azərbaycan – Lixtenşteyn – 0:0

10.10.2009. DÇ-2010. Vaduts

Lixtenşteyn – Azərbaycan – 0:2

Vaqif Cavadov, 55; Elvin Məmmədov, 82

06.02.2013. Yoxlama oyunu. Dubay

Azərbaycan – Lixtenşteyn – 1:0

Vaqif Cavadov, 74