“Azərbaycanla oyunda meydana çıxmağım həyatımı dəyişdi”.
Sportinfo.az xəbər verir ki, bunu Fransa yığmasının qapıçısı Luka Şevalye ölkəsinin mətbuatına açıqlamasında deyib.
DÇ-2026-nın seçmə mərhələsi çərçivəsində Bakıda Azərbaycan millisi ilə görüşdə (3:1) yığmasının heyətində debüt edən 24 yaşlı qolkiper klubu PSJ-də də son matçın iştirakçısı olub.
Liqa 1-in 13-cü turunda “Havr”la (3:1) qarşılaşmada Paris klubunun qapısını qoruyan Şevalye bunu özü üçün böyük uğur adlandırıb:
“Millidəki çıxışım klubumda da oynamağıma yol açdı. Bu da onu göstərir ki, bizi diqqətlə izləyirlər.
Amansız rəqabətin olduğunu bilirəm. Amma özümü PSJ-nin əsas qapıçısı olmağa hazır sayıram”.
Luka Şevalye PSJ-yə bu il “Lill”dən keçib.
.jpg)
