Noyabrın 18-dən 23-dək Moldovada 15 yaşadək futbolçulardan ibarət milli komandalar arasında UEFA İnkişaf Turniri keçiriləcək.
Sportinfo.az yerli mətbuata istinadən xəbər verir ki, adıçəkilən yarışda Azərbaycanın U-15 millisi də mübarizə aparacaq.
Yığmamızla yanaşı, yerli komanda, eləcə də Monteneqro və Bolqarıstan qüvvəsini sınayacaq.
Aqil Nəbiyevin yetirmələri noyabrın 18-də Monteneqro, 20-də Bolqarıstan, 23-də isə Moldova kollektivi ilə qarşılaşacaq. İlk iki oyun Bakı vaxtı ilə saat 12:00-da son matç isə 15:00-da başlayacaq.
Turnirin bütün oyunları Vadul lui Voda şəhərində təşkil olunacaq.

