“Əslində, yaxşı kollektivə sahibik və bunu bir çox oyunlarda göstərmişik“.
“Karvan”ın yarımmüdafiəçisi Kayt Spens Sportinfo.az-a açıqlamasında belə deyb.
Cari mövsümdən karyerasını ölkəmizdə davam etdirən ingiltərəli legioner Yevlax təmsilçisinin Premyer Liqada qalacağına ümidini itirmədiyini bildirib:
“Mən komandamızın gücünə əsaslanıram. “Turan Tovuz” kimi rəqibə yeganə qolla məğlub olduq,
“Neftçi”yə son saniyə qolu ilə uduzduq, “Araz-Naxçıvan”la qarşılaşmada fərdi səhvlərimizə görə məğlub olduq.
Dediyim kimi, bitiriciliklə bağlı problemi yoluna qoysaq, yaxşı işlər görə bilərik.
Komandamızın potensialına güvənərək uğurlu nəticələr qazanacağımıza inanıram“.
