UFC döyüşçüsü Maurisio Ruffi dini inanclarına görə bukmeker kontorlarının milyonluq təklifindən imtina edib.
Sportinfo.az xəbər verir ki, braziliyalı idmançıya tərəfdaşlıq müqabilində 8,6 milyon dollar təklif olunub.
Lakin müqavilənin əsas şərti Ruffinin oktaqonda Tanrı haqqında danışmaması olub. 32 yaşlı döyüşçü bu şərti qəbul etməyərək bildirib:
“İnancımdan imtina etmək prinsiplərimə xəyanət olardı. Mən buna hazır deyiləm, çünki inancım mənə daxili hüzur verir”.
12 qələbəsi və 2 məğlubiyyəti olan Ruffi növbəti döyüşünü fevralın 1-də UFC 325 turniri çərçivəsində azərbaycanlı Rafael Fiziyevə qarşı keçirəcək.
