Azərbaycan millisinin hücumçusu Mahir Emrelinin komandası "Kayzerslautern" Almaniya II Bundesliqasında növbəti oyununa çıxıb.
Sportinfo.az xəbər verir ki, "Kayzerslautern" çempionatın 4-cü turunda öz meydanında "Darmştradt"la qarşılaşıb.
Hesabı 62-ci dəqiqədə qonaqların oyunçusu İsaak Lidberq açıb. 84-cü dəqiqədə isə meydan sahiblərindən Naatan Skitta hesabı bərabərləşdirib.
"Kayzerslautern"in heyətində 90+2-ci dəqiqədə Farid Alidu və 90+7-ci dəqiqədə Tobias Raşi fərqlənərək komandaya qələbə qazandırıblar.
“Kayzerslautern” 4 turdan 6 xalla 9-cu yeri tutur.
Mahir Emreli bu oyunda meydana çıxmayıb. O, görüşün iştirak ərizəsində yer almayıb. Səbəb onun zədələnməsidir.
28 yaşlı hücumçu DÇ-2026-nın seçmə mərhələsinin İslandiya və Ukrayna ilə oyunları üçün Azərbaycan millisinin heyətinə cəlb olunub. Onun zədəsinə görə heyətdən çıxarılıb-çıxarılmayacağı hələ bilinmir.
