İlk turda “Sumqayıt”dan 3 cavabsız top buraxan “Kəpəz” bu dəfə “Karvan-Yevlax”a boyun əydi – 2:3.
Oyun başa çatandan sonra azarkeşlərə bıçaq vursaydın, qanları çıxmazdı. O dərəcədə əsəbi və emosional görünürdülər.
Ardıcıl yenilgilərə görə hesabatı təbii ki, baş məşqçidən soruşdular. Adil Şükürovu tribunanın önünə səsləyib, ona “nə vaxta qədər davam edəcək” sualını ünvanlayıb, cavabında “növbəti oyunu gözləyin” cavabını aldılar.
Bu dərəcədə gərginliyin fonunda səhnəyə “Karvan-Yevlax”ın məşqçisinin çıxması ab-havanı bir qədər “sərinləşdirdi”.
Həmin şəxs kim olsa yaxşıdır?
Uzun illər “Kəpəz”in şərəfini qorumuş, gəncəli azarkeşlərin sevimlisi, hazırda Yevlax komandasında qapıçılarla işləyən məşqçi kimi fəaliyyət göstərən Hüseyn Məhəmmədov.
“Qusi” kimi tanınan futbol adamı gəncəli fanatların yanına gəlib, onlara şirin Gəncə ləhcəsində “Gəncədə futbol olub, olajax da” deməsi tribunaya toplaşanların sevincinə səbəb oldu.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN
