4 Aprel - Beynəlxalq Mina Xəbərdarlığı və Mina Təhlükəsi ilə Mübarizəyə Yardım Gününü qeyd etmək məqsədilə Azərbaycan Minatəmizləmə Agentliyi və Azərbaycan Futbol Federasiyaları Assosiasiyasının birgə təşkilatçılığı ilə Bakı Olimpiya Stadionunda "Qarabağ" və "Neftçi" amputant futbol komandalarının oyunu keçirilib.
Mina partlayışları nəticəsində xəsarət almış amputant şəxslərdən ibarət komandaların oyunlarının keçirilməsi minadan zərərçəkənlərin cəmiyyətə reinteqrasiyası və futbol vasitəsilə mina təhlükəsinə dair maarifləndirmədə kütləviliyin təmin edilməsi böyük əhəmiyyət kəsb edir.
Oyunu gənclər və idman naziri Fərid Qayıbovun müavini Mariana Vasilyeva, AFFA-nın icraçı vitse-prezidenti Sərxan Hacıyev və bir sıra səlahiyyətli şəxslər izləyib.
Matçın ən maraqlı görüntüsü “Qarabağ”ın qolu zamanı yaşanıb. Epizodların birində hər iki əlindəki əsaları yerə atan Sənan Hacıyev Pelesayağı zərbə ilə qol vurub.
Zala toplaşanları şoka salan bu qol sosial şəbəkələrdə də böyük maraqla qarşılanıb.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN:

