Azərbaycan klublarına yaxşı tanış olan mütəxəssis Azərbaycana qayıdıb.
İngiltərəli ot mütəxəssisi Filip Şarples fəaliyyətini yenidən ölkəmizdə davam etdirəcək.
Buna qədər Qətərdə işləyən, 2022-ci ildə bu ölkədə keçirilən dünya çempionatı zamanı oradakı meydançaların vəziyyətinə cavabdehlik daşıyan Şarples Azərbaycana qayıtdığını sosial şəbəkə hesabında bildirib.
Maraq üçün bildirək ki, ingiltərəli mütəxəssis öncəki dönəmdə ölkəmizdə çalışdığı illər ərzində Respublika stadionu, Qəbələ şəhər stadionu və digər arenaların ot örtüyünə qulluq edib.
HƏBİB / SPORTİNFO.AZ
