![UEFA-nın nümayəndələri AFFA-nın baş katibi ilə görüşdü](https://www.sportinfo.az/media/2024/02/22/5c57ce2f-35f6-36ec-9236-d44380459232_850.jpg)
AFFA-nın təşkilatçılığı, UEFA-nın dəstəyi ilə “Self Evaluation Workshops” seminarına start verilib.
Sportinfo.az xəbər verir ki, açılış mərasimində Bakıda səfərdə olan UEFA nümayəndələri Helen Kroft, Ceff Devis və Diana Bulqaru AFFA-nın baş katibi Sərxan Hacıyevlə görüşüblər.
Görüş zamanı Azərbaycanda kütləvi futbolun mövcud vəziyyəti barədə müvafiq müzakirələr aparılıb. Daha sonra UEFA nümayəndələrinin başçılığı ilə AFFA-nın müvafiq bölmələrinin əməkdaşları ilə seminar keçirilib.
Seminarın ilk günündə “Futbolda Sosial Məsuliyyət”, “Aşağı yaş qruplarında oyun formaları”, “Futzalın kütləvi futbolda rolu” və digər mövzular ətrafında müzakirələr aparılıb.
Seminar 3 gün davam edəcək.