Portuqaliyada “Braqa” üzərində parlaq qələbə qazanan “Qarabağ”futbol klubu növbəti dəfə pərəstişkarlarını sevindirdi.
Sportinfo.az xəbər verir ki, “Qarabağ”ın rəqib meydanda Portuqaliya futbolunun ən güclülərindən olan “Braqa” üzərində 4:2 hesablı qələbə qazanması dünəndən bəri sosial şəbəkələrdə müzakirə olunur.
Futbol azarkeşləri “Qarabağ”ın qələbəsinə ən müxtəlif formada reaksiya verirlər.
Azərbaycan təmsilçisinin rəqibi darmadağın etməsinə sevinənlərdən biri də gənclər və İdman naziri Fərid Qayıbov və ailə üzvləridir.
Nazir “Qarabağ”ın qollarından sonra oğlanları ilə birlikdə çəkilən fotosunu özünün sosial şəbəkə hesabında paylaşıb. Fərid Qayıbovun bu fotosu maraqla qarşılanıb və yüzlərlə insan tərəfindən müsbət rəy alıb.
.png)
