“Mançester Siti”nin hücumçusu Erlinq Haland Çempionlar Liqasının 1/4 final mərhələsinin “Real”la ilk oyunundan (3:3) sonra rəqib komandanın paltardəyişmə otağına baş çəkib.
Sportinfo.az “Mundo Deportivo”-ya istinadən xəbər verir ki, norveçli hücumçu Luka Modriçin formasını istəmək üçün “kral klubu”nun paltardəyişmə otağına daxil olub.
Xorvatiyalı futbolçu ilə söhbət zamanı Haland Modriçi “əfsanə” adlandırıb.
Haland 2022-ci ildən “Mançester Siti”də çıxış edir. Hücumçunun klubla müqaviləsi 2027-ci ilə qədərdir.
Norveçli forvard bu mövsüm bütün yarışlarda 37 matçda iştirak edib, 30 qol vurub və 6 məhsuldar ötürmə edib.
“Mançester Siti” ilə “Real” arasında cavab matçı aprelin 17-də keçiriləcək.