
Avro-2024-ün seçmə mərhələsinin ikinci turunda Azərbaycanla qarşılaşacaq İsveç millisinin heyətində dəyişiklik edilib.
Sportinfo.az xəbər verir ki, "Malyorka"da çıxış edən müdafiəçi Lüdviq Auqustinsson zədə səbəbindən yığmanın heyətindən kənarlaşdırılıb.
Onun əvəzinə İngiltərənin "Uotford" klubunun futbolçusu Ken Sema milliyə cəlb olunub.
İsveç - Azərbaycan qarşılaşması bu gün Bakı vaxtilə saat 22:45-də başlayacaq.