“Zirə”nin Konfrans Liqasındakı rəqibi “Torpedo” Gürcüstan Superkubokunda yarımfinal oyununa çıxıb.
Sportinfo.az xəbər verir ki, Kutaisi təmsilçisi “Dila Qori” ilə qarşılaşıb.
Matç “Torpedo”nun minimal hesablı qələbəsi ilə başa çatıb – 1:0.
Oyunda yeganə qolu 73-cü dəqiqədə Vladimer Mamuşaşvili vurub.
"Torpedo" iyulun 1-də keçiriləcək finalda “İberiya 1999” ilə qarşılaşacaq.
“Zirə”nin Gürcüstan klubuna qarşı ilk oyunu iyulun 8-də Sumqayıtda, cavab görüşü iyulun 16-da Kutaisidə olacaq.
