"Vəziyyət çox çətindir" - Paşinyan Baş Qərargah rəisini vəzifəsindən azad etdi

25 Fevral 15:10 Hadisə 163
"Vəziyyət çox çətindir" - Paşinyan Baş Qərargah rəisini vəzifəsindən azad etdi

Ermənistan Baş naziri Nikol Paşinyan Baş Qərargah rəisi Onik Qasparyanı istefaya göndərib.

Sportinfo.az xəbər verir ki, Paşinyan bu barədə Ermənistan ordusunun yüksək rütbəli şəxsləri tərəfindən imzalanan ortaq bəyanatın yayımlanmasından dərhal sonra feysbuk hesabında açdığı canlı yayımda bildirib.

Bundan sonra Paşinyan canlı yayımda insanları “inqilabı müdafiə etmək üçün” Respublika Meydanına toplaşmağa çağırıb.

“Vəziyyət çox çətindir. Baş Qərargah rəisinin və onun birinci müavininin vəzifəsindən kənarlaşdırılması barədə qərar verdiyimi bilirsiniz. Bu qərarların səbəbini meydanda açıqlayacağam. İndi ən vacib vəzifə vətəndaş və xalq hakimiyyətini qorumaqdır”,- deyə o qeyd edib.

Paşinyan baş verənlər üçün bütün məsuliyyəti öz üzərinə götürdüyünü, ancaq indiki vəziyyətdə cəmiyyətin yüksək rütbəli hərbçilərə müəyyən sualların olduğunu və bu suallardan qaçmağın mümkünsüz olduğunu bildirib.

Hökumət rəhbəri məhz bu sualları onlara yönləndirdiyinə görə ordunun onu istefaya çağırdığını qeyd edib.

Digər Xəbərlər
Xəbər Lenti
21 Aprel 22:00 32-ci dəfə çempion
21 Aprel 11:00 Əlbəyaxa futbol
21 Aprel 01:52 Salah kapitan seçildi