“Dinamo”nun (Mahaçqala”) baş direktoru Şamil Qazizov baş məşqçi Qurban Berdıyevin komandanı tərk etməsi ehtimalını dəyərləndirib.
Sportinfo.az xəbər verir ki, "РБ Спорт"a danışan klub rəsmisi təcrübəli mütəxəssisin Azərbaycan və İran millisini çalışdıra biləcəyi ilə bağlı çıxan xəbərlər barədə də fikirlərini söyləyib:
- Narahatlığa ehtiyac yoxdur. Düzünü desəm, bu barədə heç düşünməmişəm.
- Kurban Berdıyevin Azərbaycan və İran millilərinin baş məşqçi postuna namizəd olduğu iddia edilir. Bu mövzuda onunla söhbətiniz olub?
- Yox. Düşünürəm ki, Kurban Bekieviçi burada hər şey razı salır. Bu haqda danışmağın nə mənası var?
- Berdıyev getmək qərarına gəlsə, hər iki vəzifədə işləmək ehtimalı var?
- Bu barədə düşünmək istəməzdim. Olar, mən bu mövzuya toxunmayım?
- Yaxşı. Öndə olduğunuzu nəzərə alsaq, "Dinamo"nun qarşısında bu mövsüm Premyer Liqaya çıxmaq vəzifəsi dayandığını deyə bilərik?
- Suala özünüz cavab verdiniz. Birinci yerdəydik. Bir səbəbə görə orada olduğunuzu sübut etməkdən başqa yol yoxdur. Biz bunu etməliyik.
