Bu gün İspaniya İsveçə, Polşa Slovakiyaya qarşı: AVRO-2020

14 İyun 17:00 Gündəm 219
Bu gün İspaniya İsveçə, Polşa Slovakiyaya qarşı: AVRO-2020

Bu gün futbol üzrə Avropa çempionatında daha 3 oyun keçiriləcək.

Sportinfo.az xəbər verir ki, qarşılaşmaların biri D, ikisi isə E qrupunda baş tutacaq.

Günün ilk matçı D qrupunda Şotlandiya və Çexiya yığmaları arasında olacaq. Qlazqodakı "Hampden Park" stadionunda oynanılacaq görüş saat 17:00-da başlayacaq. Qarşılaşmanı almaniyalı Daniel Siebert idarə edəcək.

D qrupunun ilk görüşündə isə İngiltərə Xorvatiyanı minimal hesabla üstələyib - 1:0.

E qrupunda 3 qat Avropa çempionu İspaniya İsveçlə üz-üzə gələcək. AVRO-2020 öncəsi ispanların heyətində Dieqo Lorente və Serxio Busketsin koronavirus testi müsbət çıxıb.

Sloveniyalı Slavko Vinçiçin idarə edəcəyi qarşılaşma Sevilya şəhərindəki "Estadio La Cartuja" stadionunda gerçəkləşəcək.

Qrupun digər iddialı komandası Polşa Slovakiyanı sınağa çəkəcək. Rusiyanın Sankt-Peterburq şəhərindəki eyniadlı stadiondakı qarşılaşmanın baş hakimi Rumıniyadan Ovidiu Hateqan olacaq.

D qrupu, I tur

17:00. Şotlandiya - Çexiya

Baş hakim: Daniel Siebert (Almaniya)

Qlazqo. "Hampden Park" stadionu

E qrupu

20:00. Polşa - Slovakiya

Baş hakim: Ovidiu Hateqan (Rumıniya)

Sankt-Peterburq. "Sankt-Peterburq" stadionu

23:00. İspaniya - İsveç

Baş hakim: Slavko Vinçiç (Sloveniya)

Sevilya. "Estadio La Cartuja" stadionu

Digər Xəbərlər
Xəbər Lenti
23 İyul 13:00 Həminki "Qarabağ"
22 İyul 23:10 "Buna imkan vermədilər"