"Sportinfo" ilə "Difai" Futbol Klubu arasında uzunmüddətli əməkdaşlıq müqaviləsi imzalanıb.

Tərəflər arasında əldə olunan anlaşmaya əsasən, Qarabağ qazilərini təmsil edən komandanın geyimində saytımızın loqosu yerləşdiriləcək.

«Fədailər» sentyabrda yeni mövsümə sentyabrda start verəcək. Dövlət Təhlükəsizliyi Xidmətinin (DTX) dəstəyi ilə yaradılan «Difaİ»FK I Liqada ikinci mövsümünü keçirəcək.

«Difai» 1905-1917-ci illər aralığında mövcud olmuş milli antiterror təşkilatımızdır. Azərbaycanın hər yerində, Qafqazda ermənilərə qarşı rəşadətlə mübarizə aparıb, bir çox nailiyyətlərə imza atıb.

«Difai» dünyada anoloqu olmayan klubdur. Özəlliyi Vətən savaşından çıxmış, qazi olmuş keçmiş hərbçiləri, könüllüləri bir araya gətirməsi, onları vahid komanda şəklində, bir məqsəd ətrafında birləşdirməsidir.

Dünyada belə bir ikinci təcrübə yoxdur.

«Difai»FK gənclərin vətənpərvərlik ruhunda böyüməsi, müqəddəs torpaqlarımız uğrunda canından keçmiş şəhidləri daim hörmətlə yad eləmək, müharibə iştirakçıları və qazilərin psixoloji reablitasiyasını sürətləndirmək, onları normal həyata qaytarmaq, gələcəyə nikbin nəzərlər yanaşması mənasında gözəl missiyanı öz üzərinə götürüb.

Vətən Müharibəsinin qəhrəmanlarını yaşatmaq naminə! Bu qəhrəmanları bütün Azərbaycana tanıtmaq naminə! Onları qorumaq, özləri, ataları, anaları, qardaşları, bacıları, ailələri, övladları üçün yaşamağa ruhlandırmaq naminə!

«Difai»FK-nın prezidenti Asəf Məlikovdur - I Qarabağ Müharibəsində ermənilərə qarşı döyüşlərdə iştirak etmiş, yararlanmış və sağaldıqdan sonra təkrar döyüşlərə getmiş, xüsusi əməliyyatlara qatılmış peşəkar bir hərbçi, komandir, Azərbaycan oğlu…

93-94-cü illərdə Füzulinin bir çox kəndinin işğaldan qurtarılmasında mühüm xidməti olub. O, uzun illərdir idman sektorundadır, Əlil arabasında Qılıncoynatma Federasiyasının prezidentidir.

Müxtəlif mötəbər beynəlxalq turnirlərdə ölkəmizə medallar qazandıran çoxsaylı idmançıların yetişməsində mühüm rol sahibidir.

Daim idmanın, idmançıların yanında olan, onların problem və qayğıları ilə maraqlanan, II Qarabağ Müharibəsindən sonra 500-dən artıq qazi və şəhid ailəsinə dəstək verən Asəf Məlikov «Difai»FK-nı şəxsi əlaqələri, yaxın dostlarının köməkliyi ilə ərsəyə gətirib.