Sərbəst güləş üzrə Azərbaycan yığma komandası ABŞ-ın Ayova-Siti şəhərində keçirilən Dünya Kubokunda çıxışlarına uğurla başlayıb.
Sportinfo.az xəbər verir ki, ilk matçda komandamız Kuba millisinə 8:2 hesabı ilə qalib gəlib.
Qrupumuzdakı digər oyunda Monqolustan Qazaxıstandan güclü olub – 6:4. Monqolustanla isə yığmamız bu gün saat 19-da qarşılaşacaq.
Azərbaycan qrupunda birinci yeri tutacağı təqdirdə bazar ertəsinə keçən gecə saat 1-də finalda “A” qrupunun qalibi ilə üz-üzə gələcək.
