.jpg)
AFFA İntizam Komitəsi növbəti iclasında I Divizionda çıxış edən klubların yol verdikləri səhvlərə görə cəzalarını açıqlayıb.
Sportinfo.az xəbər verir ki, XVI turda “Şüvəlan” – “Qarabağ-2” matçının ikinci hissəsi qonaq komandanın yubanması səbəbindən 4 dəqiqə gec başlayıb.
Bu səbəbdən, Ağdam təmsilçisi 80 manat cərimələnib. Həmin tur “Neftç-2” ilə ev oyununda lazimi inventarlar olmadığından, "Turan Tovuz"a 160 manatlıq cərimə kəsilib.
“Qaradağ Lökbatan” komandası “Sabah -2” ilə səfər qarşılaşmasında ilkin protokolu gec təqdim edib. Bu səbəbdən, klub 80 manat məbləğində cəzalandırılıb.
“Kəpəz” – “Zaqatala” matçından əvvəl iclasda qonaq komandanın nümayəndəsi iştirak etməyib. Bu səbəbdən, “Zaqatala” klubu 80 manat cərimələnib.
