2024/2025 mövsümü üçün 69-cu “Qızıl top” mükafatının təqdimetmə mərasiminin tarixi açıqlanıb.
Sportinfo.az xəbər verir ki, bu haqda mükafatın mətbuat xidməti “X” sosial şəbəkəsindəki səhifəsində məlumat yayıb.
Bildirilib ki, mərasim sentyabrın 22-də, Fransanın paytaxtı Parisdə yerləşən “Şatle” teatrında keçiriləcək.
KİV-in məlumatına görə, nominasiyada qələbəyə əsas namizədlər Rafinya Rafael Diaz Belloli (“Barselona”), Usman Dembele (PSJ), Lamin Yamal (“Barselona”), Pedri (“Barselona”) və Məhəmməd Salahdır (“Liverpul”).
