DÇ-2026-da B qrupunun II turunun növbəti oyunu keçirilib.
Sportinfo.az xəbər verir ki, İsveçrə millisi Bosniya-Herseqovina ilə qarşılaşıb.
Görüş İsveçrənin 4:1 hesablı qələbəsi ilə başa çatıb. Matçda hesabı 74-cü dəqiqədə Yohan Manzambi açıb. 80-ci dəqiqədə Bosniya-Herseqovinanın futbolçusu Tarik Muharemoviç qırmızı vərəqə alaraq komandasını azlıqda qoyub.
Bundan sonra İsveçrə üstünlüyünü artırıb. Ruben Varqas 84-cü dəqiqədə fərqi ikiyə çatdırıb. Bosniya-Herseqovina 90+3-cü dəqiqədə Ermin Mahmiçin qolu ilə hesab arasındakı fərqi azaltsa da, İsveçrə son dəqiqələrdə daha iki dəfə fərqlənib.
Yohan Manzambi 90-cı dəqiqədə dubl edib, Qranit Caka isə 90+7-ci dəqiqədə penaltidən fərqlənib.
Bu nəticədən sonra İsveçrə B qrupunda xallarını 4-ə çatdırıb. Bosniya-Herseqovina isə 1 xalda qalıb.
