.jpg)
Azərbaycanın minifutbol millisi Bakıda keçirilən dünya çempionatının qalibi olub.
Sportinfo.az verir ki, Elşad Quliyevin rəhbərlik etdiyi kollektiv finalda Macarıstan seçməsi ilə qarşılaşıb.
Milli Gimnastika Arenasında baş tutan matç yığmamızın 4:2 hesablı qələbəsi ilə yekunlaşıb.
Millinin heyətində Təmkin Xəlilzadə (2), Məhəmməd Xəlilov (8) və Rəvan Kərimov (10, 29) fərqləniblər.
Qarşılaşmanı izləyənlər arasında dövlət rəsmiləri də olub.
Milli Gimnastika Arenasında keçirilən görüşü baş prokuror Kamran Əliyev, Ali Məhkəmənin sədri İnam Kərimov, Xarici Kəşfiyyat Xidmətinin rəisi Orxan Sultanov, maliyyə naziri Sahil Babayev, xalq artisti Emin Ağalarov və "Qarabağ"ın baş məşqçisi Qurban Qurbanov da yer alıb.
Həmçinin oyunun tamaşaçıları arasında xeyli sayda məmurlar və tanınmış simalar da görünüb.
