2018-ci il dünya çempionatının Avropa zonası üzrə pley-off matçlarının püşkatma mərasimi oktyabrın 17-də İsveçrənin Sürix şəhərində keçiriləcək.
Sportinfo.az xəbər verir ki, öz qruplarının qalibi olan 9 komanda Rusiyada təşkil olunacaq final mərhələsinə birbaşa vəsiqə qazanacaqlar.
İkinci yeri tutan 9 yığmadan ən yaxşı göstəriciyə malik 8-i isə "pley-off" oyunları üçün 4 cütə bölünəcək. Cütlərin qalibləri də mundiala yollanacaqlar.
Hələlik Avropa zonasından DÇ-2018-ə birbaşa vəsiqəni H qrupunun qalibi Belçika qazanıb.
