Almaniya millisinin yarımmüdafiəçisi Kay Havertz komandasının 2022-ci il dünya çempionatında qrup mərhələsində qalması ilə bağlı danışıb.
Sportinfo.az xəbər verir ki, Almaniya Futbol Federasiyasının mətbuat xidmətinə danışan forvard uğursuzluğu belə şərh edib:
"İspaniyanın Yaponiya ilə görüşündə bu cür nəticə qeydə alınacağını gözləmirdik. Ancaq yalnız özümüzü günahlandıra bilərik.
Həm Yaponiyanı, həm də İspaniyanı məğlub etmək üçün kifayət qədər imkanlarımız var idi. Kosta-Rika bizə pley-offa çıxmaq şansı verdi.
Lakin biz bundan istifadə edə bilmədik. Nə yaxşı ki, oyunu dəyişdik, amma bu cür məharətlə komandamız
Yaponiyaya uduzmamalıydı. Biz evə layiqli şəkildə yollanırıq".
