FİFA-nın Hakimlər Komitəsinin sədri Pyerluici Kollina DÇ-2022-də keçirilən oyunlar barədə danışıb.
Sportinfo.az xəbər verir ki, o, oyunlara əlavə olunan vaxtın çox olması məsələsi barədə fikirlərini bildirib:
“Oyun müddətinin 50 dəqiqədən az olması problemi bir müddətdir var. Azarkeşlər daha çox futbola baxmaq istəyirlər. FİFA-dan illərdir ki, bununla bağlı yeniliklər etmək istənilib”.
Kollina insanlardan müsbət rəy aldıqlarını da vurğulayıb:
“Stadiondakı tamaşaçılardan müsbət rəylər alınıb. Görüşdüyüm insanların heç biri oyunlara əlavə edilən vaxtla bağlı mənfi reaksiya verməyib.
Düşünürəm ki, tamaşaçılara yaxşı şou və xoş əyləncə təklif etmək vacibdir”.
