"Barselona"nın baş məşqçisi Xavi dünya çempionatının oyunlarını canlı izləmək üçün bir neçə gündür Qətərdədir.
Sportinfo.az xəbər verir ki, o, jurnalistlərlə görüşüb və kiçik sorğudan keçib.
Xavidən DÇ-2022-nin ən yaxşı futbolçularının müəyyən edilmiş meyarlara əsasən adlarının çəkilməsi xahiş olunub. Onun fikrincə, indiyədək ən yaxşı oyunçular aşağıda adları qeyd edilənlərdir:
Ən yaxşı hücum bitiricisi - Rişarlison (Braziliya)
Ən böyük istedadlar - Camal Musiala (Almaniya) və Pedri (İspaniya)
Ən yaxşı mərkəz müdafiəçiləri - Dayo Upamekano (Fransa) və İbrahima Konate (Fransa)
Ən yaxşı cinah müdafiəçisi - Jordi Alba (İspaniya)
Ən yaxşı qapıçı - Tibo Kurtua (Belçika)