DÇ-2022-nin C qrupunda mübarizəyə start verilib.
Sportinfo.az xəbər verir ki, Polşa yığma komandası Meksika ilə qarşılaşıb.
Matç qolsuz bərabərliklə yekunlaşıb. Polşa yığması 3 ardıcıl dünya çempionatında penaltidən yararlana bilməyən ilk komanda kimi tarixə düşüb.
Avropa təmsilçisi antirekorda Qətərdə keçirilən mundialda Meksika ilə qolsuz heç-heçə etdikləri C qrupunun I tur matçında 11 metrlik cərimə zərbəsini dəqiq yerinə yetirməməklə imza atıb.
58-ci dəqiqədə polşalıların kapitanı Robert Levandovskinin zərbəsini rəqib qapıçı Gilyermo Oçoa dəf edib.
Bunadək isə 1978-ci ildəki dünya çempionatında Kazimej Deyna və 2002-ci ildəki mundialda Matsey Juravski eyni aqibəti yaşayıb.
