Qətərdə keçiriləcək dünya çempionatının ən yaşlı və gənc baş məşqçiləri bəlli olub.
Sportinfo.az xəbər verir ki, Niderland yığmasının sükanı arxasında olan Lui Van Qal ən yaşlı mütəxəssisdir.
Təcrübəli baş məşqçi 71 yaşında mundialda iştirak edəcək. Argentina millisində işləyən 44 yaşlı Lionel Skaloni ən gənc baş məşqçidir.
Turnirin "qoca" kapitanı kanadalı Atiba Hatçinson (39 yaş), ən gənci isə ingiltərəli Harri Keyndir (29 yaş).
DÇ-2022-nin ən gənc qapıçısı kamerunlu Simon Nqapanduentpunun 19 yaşı var. Ən yaşlı çərçivə qoruyucu isə 40 yaşlı meksikalı Alfredo Talaveradır.
Mundialın ən gənc yığması 24 yaş ortamalası ilə Qana kollektivi, ən yaşlı komandası isə İran və Meksika (hər ikisi 28) seçmələridir.
DÇ-2022 noyabrın 20-dən dekabrın 18-dək təşkil olunacaq.
| Yaş ortalaması | Ölkələr |
|---|---|
| 24 | Qana |
| 25 | Ekvador, İspaniya, ABŞ |
| 26 | Kamerun,Kanada, İngiltərə, Fransa, Almaniya, Mərakeş, Niderland, Portuqaliya, Qətər, Seneqal, Serbia, Uels |
| 27 | Argentina, Avstraliya, Belçika, Braziliya, Kosta-Rika, Xorvatiya, Danimarka, Yaponiya, Polşa, Səudiyyə Ərəbistanı, Cənubi Koreya, İsveçrə, Tunis, Uruqvay |
| 28 | İran, Meksika |
