“Bayern”in və Seneqal millisinin hücumçusu Sadio Mane DÇ-2022-də yer aldıqları qrup barədə danışıb.
Sportinfo.az xəbər verir ki, o, Niderlandın yaxşı mövqedə olduğunu deyib:
“Niderland Seneqal üçün ən təhlükəli rəqibdirmi? Biz onlara hörmət göstərməliyik. Niderland FİFA reytinqində yaxşı mövqedədir.
Onlar çox güclü komandadır və dünya çempionatında böyük nailiyyətlər əldə ediblər.
Bununla belə, qrupdakı digər komandaları da qiymətləndirməmək olmaz. Ekvador və Qətər təbii ki, dünya çempionatına bizə xal vermək üçün çıxmayacaq.
Ekvadorun yaxşı futbolçuları var. Qətər isə doğma meydanda güclü rəqib olacaq.
Dünya çempionatına Asiya çempionu statusu ilə müdafiə olunmaq üçün gedirlər.
Qrupumuzdakı komandaların heç birini nəzərdən qaçıra bilmərik. Biz diqqətli olmalıyıq”.
DÇ-2022 noyabrın 20-dən dekabrın 18-dək təşkil olunacaq.
